Gamla varaaflsstöðin við Elliðaár að víkja ?

 

Visir.is segir frá því í gær ( 15. feb. ´08 ) að Landsvirkjun hefur fært Reykjavíkurborg til fullrar eignar varaaflsstöðina við Elliðaárnar.  Veiðimenn sem veitt hafa þarna lengi kannast við þetta hús.  Varaaflstöðin var gangsett árið 1948 og er því orðin að hluti af þessu umhverfi.  Um tíma var verið að tala um að laga húsið og fá það listmönnum til notkunar.  Ég heyrði að eitthvað væri um spilliefni (asbest) í húsinu.  Í gær 15. feb. fékk borgarstjórinn nýjasti, Ólafur F. Magnússon afhenta lykla og þrjár spildur í Elliðaárdal alls 15. þúsund fermetrar.  Borgin tekur að sér að rífa húsið,  í stað landsins sem fylgir með, en þau eru hluti af útivistarsvæði Elliðaársdals.  Húsið hefur verið í vanrækslu og var málað fyrir nokkrum árum ef ég man rétt.  Mér hefur alltaf  þótt þetta formfagurt hús hvernig sem á því stendur.  Það má alveg sjá þarna fyrir sér aðstöðu fyrir t.d. listamenn sem nýlega urðu fyrir skakkaföllum á Korpúlfsstöðum.  Væri þetta hús lagað og málað gæti þetta verið hið fallegast hús, á sinn hátt !

 

En trúlega eru fleiri á því að rífa þetta hús, þannig er tíðarandinn.  Læt hér til gamans myndir með af þessu húsi, sem hefur verið bakgrunnur í mörgum veiðiferðum í gegnum árin í Elliðaánum hjá mér.

Athugasemdir

[Stefán (IP-tala skráð) 16.2.2008 kl. 16:57]

Það er meira en tíu ár síðan ákveðið var að rífa húsið. Framkvæmdir hafa tafist vegna deilda Landsvirkjunar og borgarinnar um kostnað.  Mikið asbest í byggingunni mun gera niðurrif afar dýrt.

Spilliefnin erum varla í húsinu, en eflaust í jarðveginum undir byggingunni og þar í kring.

Við sem vinnum í Elliðaárdal - meira að segja þau okkar sem látum okkur söguna miklu varða - munum fagna niðurrifinu.