Ekki hægt á fljúga Páli Sveinssyni til landgræðslu vegna peningaskorts

 

Ég vil vekja athygli á grein í Morgunblaðinu laugardaginn 14. júlí ´07  sem nefnist

,, Vorboðinn ljúfi þagnaður"  Þar lýsir Jón Karl Snorrason því að ekki hafi fengist peningar til að dreifa áburði með flugvélinni Páli Sveinsyni í ár.  Eins og flestum ætti að vera kunnugt hefur flugvélinni verið flogið í sjálfboðavinnu á liðnum árum.

 

Í niðurlagi greinarinnar segir.  ,, Skilum landinu árlega 1.000 tonnum af áburði úr Páli Sveinsyni og höldum þessari sögufrægu flugvél á lofti fyrir komandi kynslóðir og tryggjum vor- og sumarkomu með tilkomumiklu hljóði hreyflanna sem hafa yljað svo mörgum undanfarin 34 ár".

 

Það er raunar dapurlegt í þessu ríka landi, þar sem allir eru að kolefnisjafna allt milli himins og jarðar að ekki hafi verið tryggt fé til að sinna þessu sjálfsagða máli.  Jón Karl kennir þar um áhugaleysi fv. landbúnaðarmálaráðherra Guðna Ágústsyni sem er í senn dapurlegt, enda er maðurinn orðinn formaður í Framsóknaflokknum.

 

Því vil ég eins og Jón Karl Snorrason sem er flugmaður og áhugamaður um landgræðslu hvetja alla sem vilja láta sig málið varða að koma þessum málum í lag, sérstaklega nýjum ráðherra Einari Guðfinnssyni.

Athugasemdir

[Sigurður Þór Guðmundsson (IP-tala skráð) 16.7.2007 kl. 07:11]

Mig grunar nú að ástæða áhugaleysisins sé sú að það hefur komið í ljós að áburðurinn nýtist mun betur sé honum dreift á landi, þ.e.  með dráttarvélum heldur en úr lofti, og kostnaðurinn við að nota flugvélina sé einfaldlega of mikill, eða allavega óþarflega mikill miðað við aðrar leiðir..

[Marta B Helgadóttir, 16.7.2007 kl. 09:08]

Held að það sé ótvíræð þörf fyrir að gera hvorutveggja. Dreifa bæði úr lofti og líka á landi.